ក្រចេះ, នៅរសៀលថ្ងៃទី១២ ខែ កញ្ញា ឆ្នាំ២០១៦ បានរៀបចំពិធីបញ្ចុះបឋមសិលាសាងសង់អាគារសម្រាកព្យាបាលជម្ងឺព្រះសង្ឃ និងអ្នកជម្ងឺទូទៅ នៅក្នុងបរិវេណមន្ទីរពេទ្យបង្អែកខេត្តក្រចេះ ក្រោមអធិបតីភាពដ៏ខ្ពង់ខ្ពស់ ឯកឧត្តម សរ ចំរុង អភិបាលនៃគណៈអភិបាលខេត្តក្រចេះ។ ក្នុងពិធីនេះក៏មានការអញ្ជើញ និងនិមន្តចូលរួមពីសំណាក់ លោក លោកស្រី អភិបាលរងខេត្ត លោក លោកស្រី ប្រធាន-អនុប្រធាន មន្ទីរ អង្គភាពជុំវិញខេត្ត ព្រះមេគណខេត្ត ព្រះបាឡាត់គណខេត្ត មន្ត្រីសង្ឃខេត្ត លោកតា លោកយាយ និងប្រជាពលរដ្ឋយ៉ាងច្រើនកុះករផងដែរ។
