ក្រចេះ, រសៀលថ្ងៃទី១២ ខែធ្នូ ឆ្នាំ២០១៦នេះ សាលប្រជុំរដ្ឋបាលខេត្តក្រចេះ បើកកិច្ចប្រជុំពិភាក្សាការងារសាងសង់អគារសម្រាកព្យាបាលជំងឺព្រះសង្ឃ និងអ្នកជំងឺទូទៅ ព្រមទាំងប្រគល់ថវិកាដែលប្រមូលតាមសាលាអនុគណក្រុង-ស្រុក ចំនួន ៧១៥៦០០០០រៀល ក្រោមអធិបតីភាព ឯកឧត្ដម សរ ចំរុង អភិបាលខេត្ត និង ព្រះសុគន្ធសីលសារ ជន ស៊ីអ៊ីម បវរ ព្រះមេគណខេត្ត។
សមាសភាពអញ្ជើញចូលរួមមាន ប្រធាន-អនុប្រធានមន្ទីរ/អង្គភាពពាក់ព័ន្ធ ព្រះគ្រូបាឡាត់គណខេត្ត មន្ត្រីសង្ឃខេត្ត និងមន្ត្រីរាជការ។
ថវិកាប្រមូលបានរួមមានៈ
- ថវិកាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ចំនួន ១០០ ០០០ដុល្លារ។
- ថវិកាមន្ទីរពេទ្យបង្អែកខេត្តក្រចេះ ចំនួន ២០ ០០០ដុល្លារ។
- ថវិកាវត្តថ្មគ្រែ ចំនួន ១០ ០០០ដុល្លារ។
- ថវិកាទទួលសប្បុរសជន និងបុណ្យផ្កាសាមគ្គី ចំនួន ១៦ ៨៧៥ ០០០រៀល និងដុល្លារសរុប
៨០២១ដុល្លារ។
– ថវិកាសាលាអនុគណក្រុង/ស្រុក ចំនួន ៧១ ៥៦០ ០០០រៀល។
ថវិកាដែលប្រមូលបានសរុបមានចំនួន ៨៧ ៤៣៥ ៥០០រៀល និងដុល្លាសរុបចំនួន
១៣៨ ០២១ដុល្លារ ។